عن سعد بن أبي وقاص رضي الله عنه قال : سمعت رسول الله صلى الله عليه وسلم يقول " من تصبح سبع تمرات عجوة لم يضره ذاك اليوم سم ولا سحر"..
تخيل عظمة حاجة رسولنا كلمنا عنها هتكون فايدتها قد إيه .. لما بسافر برا وبكلم أصحابي أجيبلهم إيه من هنا بيكون ردهم الأول عايزين "تمر" ..
ومع مرور الزمن أتعمل عليه ٥٩ دراسة وبحث ويُذكر إنه بيعالج ٤٧ مرض وله ٢٥ فايدة ..
ورقة وقلم وسجل معايا فوايده في ورقة تفضل قدامك تفكرك تاكل تمر كل يوم الصبح بعد كوباية المايه وبعده كوباية خل التفاح وابدأ يومك بصحة حديد ..
-مضاد للأكسدة
-بيمنع سموم الكبد
-بيقوي أعصابك وحمضك النووي
-فعال لقرحة المعدة زيه زي الأدوية اللي بتستخدمها لعلاجها
-بيعالج إنسداد الشريان السباتي اللي بينتج عنه الدوخة وعدم التركيز والإتزان
-تليف الكبد ودهون الكبد
-ألتهاب الأعصاب الطرفي والتنميل والحرقان .. يعني ينفع للسكري آه
-بيقلل ضرر السجاير اللي مش عارف تبطلها دي على صحتك
-تكيس المبايض ومشاكل المبيض ومشاكل الطمث فعال جداً مع الشعير
-ضعف الذاكرة وصعوبات التعلم للأطفال مهم جداً ليهم مع الزبيب والتين
-الزهايمر للكبار
حاجة مهمة بقى أتعمل عليها دراسة كاملة إنهم جابوا ٦٩ ست على وش ولادة وأكلهم ٦ تمرات يومياً وأكتشفوا إن ٩٥٪؜ منهم ولادتهم كانت سهلة ومش مُتعبة تماماً ..
يا دكتور طب ٦ تمرات دول مش كتير عشان السكريات .. هقولك دة معدل كويس جداً تقدر تاخده .. أقل منه مايضرش وأكتر منه ماتلومنيش .. وماتنساش أهم حاجة بعد أكله لازم لازم تغسل أسنانك كويس جداً ..
شير لغيرك وإعزم عليه يقوم ياكل تمر ..
دمتم بصحة ❤️
الدكتور أحمد أبو النصر