جدول إسبوعي لتنظيف المنزل:

السبت/تنظيف الكاونتر نظفي و رتبي و صدقيني إسبوع ورة إسبوع راح يسهل عليك التنظيف و ما راح ياخذ من وقتك غير ربع ساعة بس لأن اذا نظفتي كل إسبوع راح يصير نظيف و يمكن يظل نظيف من إسبوع لأسبوع اذا حاولتي يومية ترجعين ادوات المطبخ و البهارات لمكانها و ما تخربطيها

الأحد/تنظيف الثلاجة و تلميع أرضية المطبخ .. طبعا الثلاجة ضروري تتنظف كل إسبوع لأن الأكل بيها و لازم تكون نظيفة ... ما عدا الفريزر طبعا يتنظف كل شهر .. و أرضية المطبخ كذلك لازم تتنظف كل أسبوع تنظيف جيد لأن يصير بيها دهن و بقع ..

الإثنين/ترتيب خزانة الملابس و المجرات اللي بالبيت اي مجر و أي كنتور أول ترتيبة راح تكون صعبة بس اللي بعدها راح تصير أسهل و إسبوع بعد إسبوع إذا إلتزمتي راح تبقى مرتبة صدقيني..

الثلاثاء/ تنظيف نقاط الكهرباء حاولي نقاط الكهرباء دائما لازم تكون نظيفة تنظيف نقاط البيت كله ما راح ياخذ إلا 10 دقائق أو ربع ساعة + تلميع الأجهزة الكهربائية مثل الفرن و الخلاط و المايكروويف و الغسالة ........ألخ .

الأربعاء/ ماكو تنظيف إسبوعي لأن راح يجينا الجدول الشهري و راح يكون الجدول الشهري أول أربعاء من كل شهر يعني الأربعاء مرة وحدة بالشهر راح يكون عندك شغل و باقي أيام الأربعاء راح تكون شاغرة .. الجدول الشهري هو // تنظيف فريزر الثلاجة و تنظيف المجمدة و إذا كانت غير متسخة خلال شهر خلي تنظيفهن كل شهرين أو 3..

الخميس/ راح يكون تنظيف جزئي للبيت مثلا هذا الخميس أسوي تنظيف شامل لغرفة النوم .. الخميس اللي بعدة تنظيف شامل للمطبخ .. الخميس البعدة تنظيف شامل للصالة ...... و هكذا و كلما تخلصين عيدي من اول خميس شسويتي بي .. بهاي الحالة إذا كل خميس نظفتي مكان من البيت تنظيف شامل راح تتخلصين من التعزيلات مال العيد و ما شابه ذلك لأن بيتك راح يكون تلقائيا نظيف و انتي راح ترتاحين.. عندك هواية ساعات فراغ اذا طبقتي الجدول اليومي اللي نزلته إلك سابقاً خذي منه ساعة و استغليها للتنظيف الجزئي..

ملاحظات مهمة :
⏺بنات كلما تغسلين ملابس إكوي الملابس اللي تحتاج كوي مباشرة بعد ما تنشف حتى ما يتراكم عليك الكوي و تستغرقين ساعات و انتي تكوين خصصي يومية فد عشر دقايق اكوي بيها الملابس اللي غسلتيها اليوم اللي تحتاج للكوي.
⏺سوي دائما تجهيز مسبق للأكل مثلا إذا كان عندك اكلة محاشي مثلا للغداء حاولي بالليل تسوين الحشوة و تخليها بالثلاجة و الصبح لفيها و خليها عالنار أو اذا قدرتي لفيها من الليل و انتي تشوفين التلفزيون و خليها بالثلاجة و الصبخ فورا خليها عالنار بهاي الحالة راح تستغلين الوقت و تضربين عصفورين بحجر هم تشوفين التلفزيون و هم حظرتي غدا باجر.