مصرف الوحدة يضع آلية سحب و يعلم زبائنه بإن حصته محفوظة لمدة شهر كامل فلا داعي للتزاحم على أبواب المصرف .
__________

توضيح احد العاملين في المصرف :

السلام عليكم خوتي وخواتي زبائن مصرفنا الكرام🙂
منشوري تعمدت نكتبه بالدارجة العامية بيش الكل يفهمني وتكون الأمور واضحة مية في المية 👌
او شي نبي نقوللكم أن التوزيع مقسم عي فترتين ⁦✌️⁩
الفترة الأولى *فترة الجدول*👆
تبدأ من بكرا الثلاثاء وتنتهي يوم السبت الجاي
شن هيا فترة الجدول 🤔
هو جدول توزيع السيولة مقسم فيه الفروع الي تقدر تسحب فاليوم هضا من اي فرع في بنغازي
مافهمتش وضح اكتر 🤔
يعني يا خويا مثلا انت من زبائن فرع تيبستي🏦
بحت فالجدول تلقى الفرع جاي في يوم الخميس📝
يعني يوم الخميس يا غالي تقدر تسحب فيه من اقرب فرع لك ومن اي فرع يعجبك أو اي فرع فاضي يقابلك يعني وفر علي روحك المشوار والدعاك وربي يحفظكم من الكورونا 👌
⁦⬅️⁩مثلا انا زبون لفرع تيبستي ونسكن في المساكن نمشي نسحب من فرع المنارة يوم الخميس لان قريب مني من طريق المطار⁦🛣️⁩
⁦⬅️⁩او مثلا انا زبون لفرع الصابري ونسكن في شارع 20 نمشي يوم الخميس لفرع الحديقة لان خطوتين مني👣
باهي صح يا محمد السحب قالو يوم واحد بس والي ماسحبش راحت عليه 😔🤔
لا لا يا غالي فكك م الاشاعات السحب بالجدول لعند يوم السبت الجاي لتخفيف الزحمة في ها الأزمة الصحية الي ربي ينجينا منها🙌
⁦↩️⁩من يوم الاحد الجاي يرد السحب كل حد من فرعه لعند نهاية الشهر إن شاء الله وبالمرة يكون معش في دعاك لأن الأغلبية حتسحب من الفرع الي قريب منها💯
اها نسيت 😅 راكم تنسو توقيت السحب يبداء من الساعة7:00🕖 الصبح لعند الساعة 11:30 🕦 يعني وتي المنبه ⏰

وان شاء الله نكون وضحت للجميع آلية السحب الجديدة ⁦🇱🇾⁩⁦☑️⁩