نسوم البحر والمـــــوج وخريبيش
رفقت عمر مازل فيهـــــــا انعيش

البحر والمينا
وطيور النوارس حايمــــــات علينا
تحت المناره طــــــــــول ما غنينا
غناوي الزها اللي كيفها مافيش

البحر والجيره
وعيون ريدي والاحــــــلام صغيره
اكبرنا وزاد الوقت فـــــــي تكديره
تقسى علينا يا زمانـــــــي ليش

البحر و اللمه
ولا هناك دمعه لا كـــــدر لا غمه
نجري صغير و انقولـــــــك يا يمه
حفيان اوهي اتقولــــي بشويش
نسوم البحر والمــــوج وخريبيش

#المرحوم احميدة بونقطة
#كلمات المرحوم فتحي بن غزي